ಅಲಾರಾಂ

ಕೋಳಿ ಕೂಗಿದಾಗ ಎದ್ದೇಳುವ ಕಾಲದಲ್ಲಿ ಮನೆಯಲ್ಲಿದದ್ದು ಒಂದೇ ಕೀ ಕೊಟ್ಟಿಡುವ ಅಲಾರಾಂ. ಪಿ ಯು ಸಿ ಓದುತ್ತಿದ್ದ ಮಗನಿಗೆ ಬೇಗ ಏಳಬೇಕೆಂದು ಇಟ್ಟ ಅಲಾರಾಂ ಎಸ್ ಎಸ್ ಎಲ್ ಸಿ ಓದುತ್ತಿದ್ದ ಮಗಳನ್ನು ಏಳಿಸುತ್ತಿತು. ಮಗಳು ತನ್ನ ಕನಸನ್ನು ನನಸಾಗಿಸಲು ಓದಲು ಶುರುಮಾಡುತಿದ್ದಳು. ಮಗಳು ಓದುವುದನ್ನು ತೆಡೆಯುವುದಕ್ಕೊಂದೇ ಉಪಾಯ.... ಅಪ್ಪ ಅಲಾರಾಂ ಇಡದೆ, ಬೆಳಿಗ್ಗೆ ಎಚ್ಚರದಾಕ್ಷಣ ಮಗನನ್ನು ಮಾತ್ರ ಏಳಿಸುತ್ತಿದ್ದ....!!!

ತಾರತಮ್ಯ

ಪ್ರತಿಷ್ಠಿತ ಕಂಪನಿಯೊಂದರಲ್ಲಿ ಒಳ್ಳೆಯ ಸಂಪಾದನೆ ಮಾಡುವ ಮಗ ತಂದೆಯ ಪ್ರೀತಿಪಾತ್ರ.... ತಂದೆ ಕೊಟ್ಟ ಹಣದಲ್ಲಿ ಮನೆಗೆ  ಬೇಕಾದ ಸಾಮಾನನ್ನು ತಂದುಕೊಟ್ಟು ಚಿಲ್ಲರೆಯನ್ನು ನಿಯತ್ತಿನಿಂದ ವಾಪಾಸುಮಾಡುತ್ತಿದ್ದ.
ಮಗಳೆಂದರೆ ಅಷ್ಟಕಷ್ಟೇ... ಯಾಕೆಂದರೆ ಅವಳು ಚಿಲ್ಲರೆಯನ್ನು ವಾಪಾಸುಮಾಡುತ್ತಿರಲಿಲ್ಲ!!!!
ತನ್ನ ಬಿಡಿಗಾಸಿನ ಸಂಪಾದನೆಯಲ್ಲಿ ತನ್ನ ಇಷ್ಟಗಳನ್ನು ಬದಿಗೊತ್ತಿ ಮನೆಗೆ ಅಗತ್ಯದ ಸಾಮಾನುಗಳನ್ನು ತರುತ್ತಿದ್ದಳು.